Progressijve
Progressijven bïjre
Progressijve (gerundiume) lea gosse gie maam akt darjoeminie, jallh gosse mij sjïdteminie jallh heannedeminie. Progressijve (gerundiume) lea infinihte verbe-hammoe.
Verbe-hammoen minngie-gietjie: –minie.
Progressijve
båetieminie
Minngie-gietjie: –minie
Progressijve presense
Progressijve presensem nuhtjebe gosse gie akt daelie maam akt (lea) darjoeminie.
Progressijve presense
(lea) båetieminie
Lea-verbe presensisnie + åejvie-verbe progressijvesne
Progressijve preteritume
Progressijve preteritumem nuhtjebe gosse gie akt lij dillie darjoeminie.
Progressijve preteritume
lij båetieminie
Lea-verbe preteritumesne + åejvie-verbe progressijvesne
1. laavenjasse
Tjaelieh verbide progressijve presensasse jallh progressijve preteritumese. V.g.:
Gusnie datne årroeh? → Gusnie datne (leah) årroeminie?
Gusnie datne årroejih? → Gusnie datne lih årroeminie?
2. laavenjasse
Tjaelieh raajesidie daaroen-gïeleste saemien-gïelese.
Hva holder du på med?
Jeg holder på og leser en spennende bok.
Barna holder på og leker ute.
De voksne holdt på og spiste.
Jeg holdt på og hjalp lillebror med leksene.
Vi holder på og ser på TV-nyhetene.
De to holdt på og reparerte snøscooteren.
Bestemor holder på å lage skobånd til meg.
3. laavenjasse
Guktie saemien-gïelesne progressijvem (gerundiumem) nuhtjedh? Buerkesth.