Aktijve jïh passijve verbh
Aktijve jïh passijve raajesi bïjre
Gosse aktijve raajesem darjodh dellie aktijve verbem nuhtjebe. Gosse passijve raajesem darjodh dellie passijve verbem nuhtjebe.
Aktijve raajesh
Gosse raajesen subjekte maam akt dorje dellie edtjebe aktijve verbem nuhtjedh, v.g.:
Aktijve raajese
- Manne edtjem saemien-karakteerem bueriedidh.
bueriedidh – aktijve verbe
Passijve raajesh
Gosse raajesen subjekte darjomen dåastoje, dellie edtjebe passijve verbem nuhtjedh, v.g.:
Passijve raajese
Saemien-karakteere buarene.
buaranidh – passijve verbe
Passijve verbh
Passijve verbh leah daagkerh verbh, guktie:
mestie mij heannede jallh sjædta
- mij heannadimmeste sjædta jallh baajnesåvva.
Passijve raajesisnie ij leah vihtie mij raajesen subjekte. Vïhtesjh joekehtsidie aktijve jïh passijve raajesi gaskem, v.g.:
jiehtedh – aktijve verbe
Nimhtie dïhte dan bïjre jeahteme.
jeahtasovvedh – passijve verbe
- Nimhtie dan bïjre jeahtasovveme.
Passijve verbh daah seerkeme-gietjieh utnieh:
Seerkeme-gietjieh |
|---|
| –sovvedh |
| –lgidh |
| –sidh |
| (maadtoe e5) –dh |
| –lostedh |
| –nidh |
| –htovvedh |
| –htalledh |
Mujhtieh! Aellieh aktijve verbem passijve raajesisnie nuhtjh. Aellieh passijve verbem aktijve raajesisnie nuhtjh.
Mujhtieh aaj maahta geerve jïh lyövlehke guarkedh gosse jïjnjh passijve raajesh, v.g.:
Passijve raajese
Nimhie soptsesovvi.
Aktijve raajese
Nimhtie dah soptsestin.
1. laavenjasse
2. laavenjasse
3. laavenjasse
4. laavenjasse
Tjaelieh raajesem fïerhten verbe-hammose.
gåvla
govloe
vuajnah
darjoem
tjaalasovveme
byjjeni
vååjnoe
jeatjahtovveme
vïssjehtovvem
gaarvanin
viehkehte
måarahtovvi
5. laavenjasse
Jarkelh aktijve raajesijstie passijve raajesidie.
Nimhtie dah iktegisth darjoejin.
Dïhte vaajesem soptsesti.
Manne tjaetsiem baahkedem.
Dïhte gaajhkem dan hijvenlaakan buerkeste.
6. laavenjasse
Jarkelh passijve raajesijstie aktijve raajesidie.
Sarve gohtjesovvi jolle-juelkine.
Dej nommh rïekteslaakan tjaalasovveme?
Im guarkah mij jeahtasåvva.
Jïjnje jeatjahtovveme daennie eatnamisnie.
7. laavenjasse
Tjaelieh aktijve jïh passijve raajesem fïerhten verbe-paarrese 1–5.
rïhpestidh – rïhpesidh
dahpedh – dahpesidh
dibrehtidh – dabranidh
darjodh – dorjesovvedh
gåhtjodh – gohtjesovvedh
Mah joekehtsh daej aktijve jïh passijve raajesi gaskem? Buerkesth.
8. laavenjasse
Goerehth verbide jïh guktie dah åarjelsaemien teekstine nuhtjesovveme.
Viehkie:
Tjaangh Oahpa:n gaskeviermie-sæjrose: Nedtedigibaakoeh. Tjaelieh verbem jïh diedtesth: Ohtsh.
Verbe aktijve vuj passijve? Mah bïevnesh verben bïjre gaskeviermie-sæjrosne gaavnh?
Diedtesth Teksth jïh tjaangh Korp:se (åarjel-saemien korpusasse).
Veeljh vuesiehtimmie-raajesh jïh buerkesth guktie dah verbh nuhtjesovveme korpusisnie.
9. laavenjasse
Guktie aktijve jïh passijve verbh nuhtjedh? Buerkesth.