7. Mijjen dajvh
Daelie lïerh
lidteræære tekstem lohkedh daehtie vuajnoe-raedteste
saemien dajvi jïh vaeriej bïjre
maadtoen bïjre
dååjrehtsi jïh åssjaldahki bïjre
1. Lïerh baakojde
2. Goltelh jïh orresth
Mijjen dajveh
Tekstversjon
Daah leah mijjen dajveh, mijjen vaerieh. Daajkoe leah mijjen maadter-aahkah jïh maadter-aajjah jealeme, orredamme jïh vaarredamme.
Daajkoe leah annje dållesijjieh jïh gööth-sijjieh gaavnoes. Gelliem lehkiem maehtibie vaedtsedh jïh dellie vuajnajibie: «Daagkoe leah gujht aerebi aaj baalkah orreme.»
Maahtah tjihkedidh lïegkedidh, juelkien seejkh, dïhte jis derhviem tjïektjeste, – dellie aernh-gierkieh jijhtieh. Dïsse maahtah dållem bïejedh jïh daejredh:
«Daesnie leah mov almetjh aerebi aaj dållebealesne tjahkasjamme, lïegkedamme. Daestie leah daejtie seamma vaeride vuartasjamme mejtie manne daelie vuajnam.»
Maadtoen dajveh, maadtoen vaerieh.
Mijjen dajveh, mijjen vaerieh.
Mov dajveh, mov vaerieh.
Lohkh
Daah leah mijjen dajveh, mijjen vaerieh. Daajkoe leah mijjen maadter-aahkah jïh maadter-aajjah jealeme, orredamme jïh vaarredamme.
Daajkoe leah annje dållesijjieh jïh gööth-sijjieh gaavnoes. Gelliem lehkiem maehtibie vaedtsedh jïh dellie vuajnajibie: «Daagkoe leah gujht aerebi aaj baalkah orreme.»
Maahtah tjihkedidh lïegkedidh, juelkien seejkh, dïhte jis derhviem tjïektjeste, – dellie aernh-gierkieh jijhtieh. Dïsse maahtah dållem bïejedh jïh daejredh:
«Daesnie leah mov almetjh aerebi aaj dållebealesne tjahkasjamme, lïegkedamme. Daestie leah daejtie seamma vaeride vuartasjamme mejtie manne daelie vuajnam.»
Maadtoen dajveh, maadtoen vaerieh.
Mijjen dajveh, mijjen vaerieh.
Mov dajveh, mov vaerieh.Jaahkenelkien Aanna
3. Darjoeh laavenjasside
4. Darjoeh laavenjasside
5. Vaestedh jïh soptsesth
Gubpene dov maadtoen dajvh?
Gïeh debpene jealeme jïh orredamme?
Maam daelie provhkede debpene darjodh?
Mah dååjrehtsh jïh åssjaldahkh dutnjien båetieh gosse debpene?
6. Tjaelieh
Tjaelieh dov maadtoen dajvi bïjre.