2. Saemien skuvlesne lohkedh
Daelie lïerh
mah nuepieh saemiengïelem lohkedh jïh lïeredh skuvlesne
guktie golme boelvi skuvle-tïjjh orreme
guktie dillie jïh daelie
1. Goltelh, orresth jïh lohkh
Aajjan skuvle-tïjjeste
Tekstversjon
Ij leah iktegisth orreme guktie daelie. Goh aajja lij onne, ij lij dellie sov naan skuvle-skovhte. Aajja tjoeri tjoejkedh göökte mijlh vaerien bijjelen eannan skuvlese bööti. Tjoeri aaj sov åerpenigujmie båanhtaj luvnie årrodh aktene gaertienisnie doh biejjieh fïerhten aejkien mearan skuvlesne. Idtji aajja åadtjoeh saemien-gïelem skuvlesne lohkedh. Gåetesne dah saemiestin. Aajja saemien guarkoe, men ij maehtieh saemien lohkedh jïh tjaeledh.
2. Goltelh, orresth jïh lohkh
Tjidtjien skuvle-tïjjeste
Tekstversjon
Goh tjidtjie skuvlesne eelki dellie tjoeri golme-luhkie mijlh tåågine jallh bussine Snåasese vuelkedh sov åerpenigujmie, aajkohki- jïh laeviejgujmie. Dah voestes klaassesne eelkin goh lin tjïjhtjen jaepien båeries jïh internaatesne årroejin abpe maadth-skuvlen uktsie skuvle-jaepieh. Tjidtjie åadtjoeji saemien lohkedh gaajhkh jaepieh Åarjel-saemiej skuvlesne Snåasesne. Idtji åadtjoeh jåarhke-skuvlesne saemien lohkedh.
3. Goltelh, orresth jïh lohkh
Mov skuvle-tïjjeste
Tekstversjon
Manne skuvlesne eelkim goh lim govhten jaepien båeries. Abpe skuvle-tïjjem gåetesne aehtjie gon tjidtjien luvnie årroejim. Mov maadth-skuvlese lij ajve göökte kilomeeterh vaedtsedh jallh sygkeldidh. Jïh gellien aejkien åadtjoejim tjidtjiem dåeriedidh gosse bïjline vööji barkose. Idtjim manne åadtjoeh saemien lohkedh maadth-skuvlesne, ij lij desnie naan saemien-lohkehtæjja. Goh jåarhke-skuvlesne eelkim, tjoerim gåeteste juhtedh. Daelie manne aaj aalkeme saemien lohkedh.
4. Goltelh jïh vaestedh
5. Soptsesth
Soptsesth åenehkslaakan jïjtjedh skuvle-tïjjen bïjre.
6. Gihtjedh
Gihtjedh dov aehtjie tjidtjieh jïh/jallh aajja aahkah guktie dej skuvle-tïjjh lin.
7. Tjaelieh
Tjaelieh tekstem guktie dov fuelhkien skuvle-tïjjh orreme.