Oppgåve
Du skal skrive ein rapport om samhandlinga mellom kundar og salsmedarbeidaren i to verksemder. Det kan til dømes vere eit bakeri eller konditori, ei ferskvareavdeling, kaffibar eller liknande.
Du kan innleie rapporten med å beskrive teorien om service og dei fire servicetypane: materiell service, systemservice, personleg service og sjølvservice.
Illustrer med bilete frå verksemdene du er i, for å understreke det du skriv om i teksten. Du må alltid spørje beteninga om du får lov til å ta bilete av interiøret og eventuelt av dei.
Vurder punkta under dei ulike servicetypane som dårleg, middels eller bra. Du kan bruke skjemaet som ligg som vedlegg til denne sida.
Materiell service, ytre faktorar
Korleis verkar verksemda og personalet? Det første kunden legg merke til, er
- om det er ryddig i lokalet
- om lokalet er godt reingjort og halde ved like
- kleda til dei tilsette
- kva skilt og plakatar som er i lokalet
vareplasseringa
Systemservice, rutinar og system
Så kan du vurdere følgande tre punkt:
- vareutvalet (er det til dømes mykje som er utselt?)
- ventetida for å bli ekspedert
bemanninga
Personleg service, "sanningas augeblink" og menneskekunnskap
Her kan du sjå på
- korleis beteninga helser på kunden
- produktkunnskapen til beteninga
- om beteninga lykkast med å forstå behova til kunden
- kroppsspråket til beteninga
salsavslutninga
Sjølvservice
Her kan du sjå om verksemda nyttar seg av teknologi som gjer at kundane utfører nokre av serviceoppgåvene sjølv. Du kan sjå på:
Kva slags løysingar nyttar verksemda seg av?
Er løysingane enkle å navigere i?