Maten er ein viktig kulturberar i alle samfunn. Gjennom globalisering har den norske matkulturen vorte påverka av matvarer og matskikkar frå andre delar av verda, samtidig som norske råvarer og skikkar har vorte ein del av matkulturen i andre land.

Vi er eit fleirkulturelt samfunn, og matvanane våre er i stadig endring. Vi reiser mykje, og vi er nysgjerrige på matkulturane i andre land. I Vg1 lærte du om matkulturen i fleire land i Europa, her skal vi sjå på matkulturen frå andre delar av verda.