Skadeførebyggjande øvingar for overkroppen

Desse øvingane rettar seg mot strukturar i og delar av kroppen som ofte er skadeutsette. Skulder, nakke og rygg er område i overkroppen som er meir utsette enn andre område.

Øvingane styrkjer musklar, sener og ledd. Derfor kan dei førebyggje akutte skadar som strekk og belastningsskadar. Belastningsskadar er til dømes overbelastning, betennelsar og avrivingar i musklar og sener. Betennelsar skjer som oftast i overgangen mellom musklar og sener og mellom sener og knoklar.