For at vi skal byggje hus, vegar, kraftverk og alt anna vi har behov for, trengst det mange forskjellige yrke. Her presenterer vi mange av yrka. Du får vite kva dei forskjellige handverkarane gjer. Vi viser noko av den grunnleggjande kunnskapen som trengst for å arbeide i byggjebransjen.

Trevare- og bygginnreiingsfaget er det vi kan kalle den industrielle delen av snikkarfaget. Dette faget er eit fag som har komme som resultat av industrialiseringa av tradisjonelle handverksfag. Det faget ein ser mest slektskap med, er møbelsnikkarfaget og liknande fag.