Naturressursar er grunnlaget for matproduksjon og næringsverksemd. I naturbruksnæringane treng vi kunnskap om dyr og biologien til plantar og om tolegrensene til naturen slik at vi kan drive berekraftig naturbruk. Dette emnet handlar om naturressursar, naturtypar, krinsløp og samanhengar i naturen.

Berekraftig naturbruk vil seie at vi forvaltar naturressursane på ein slik måte at også dei som kjem etter oss, kan ha nytte av dei same ressursane. I dette emnet lærer du om korleis naturbruksnæringane er avhengige av og baserte på ulike naturtypar.