Jaahken gïehtelimmie
Dej beeli lij akten kaarren nomme Jaahke. Stoerre fuelhkiem gujht utni, jïh vaenie bovtsh. Tjïjhtje bovtsh utni, jïh die ussjedi guktie edtja veasodh. Jïh daelvege gujht lidti. Jïh dah tjïjhtje bovtsh veedtsin dam gåetie-bealam dan daelvien. Giesie sjïdti, dellie idtji goh maehtieh juhtedh giesie-laantese. Dellie måjhtaji derhvie-laanoem tseegkedh, gusnie dah bovtsh dan baahken årroejin.
Golme nieljie jaepieh gïehteli numhtie. Dellie leah golme-tsiehkieh sjïdteme. Dellie dïhte laanoe-gåetie barre onne sjïdti. Dellie bovtsh tjoeverin vaaran. Jïh dehtie golme-tsiehkeste sjïdti stoerre krievvie. Jïh dle tjoeveri jåhtajidh dejstie dajvijste, idtjih goh laanth vielie desnie rïeresjh dan kreavvan.
Jåhtaji gujht naa gåhkese. Men dellie dïhte gaalnatjammes rahtji bååstide. Naakenh gujht böötin dejtie båeries veasojde, men jïenehke gujht såani. Jïh die viht dïhte krievvie gahtji.
krievvie = jeeluve = jïelege
Gaaltije
Holm Bull, E. & Bergsland, K. (1993). Lohkede saemien. Davvi Girji o.s.