Laavenjassh: Saejrieh jïh verteme
Laavenjassh teeman bïjre Saejrie jïh verteme.
![En doktor årelater en kvinne. Tegning](https://api.ndla.no/image-api/raw/sy054338.jpg?width=1024)
Bilde: Science Photo Library, NTB scanpix / CC BY-NC
1. laavenjasse
Daelie datne artihkelem Ånnetji saejrie jïh vertemen bïjre lohkeme maam Jonar Thomasson tjaaleme. Tjaelieh åenehks tjaelijen bïjre saemien-gïelesne. Ohtsedh bïevnesh jïh guvviem gaske-viermesne.
2. laavenjasse
- Guktie saemieh aerebi nihperem darjoeji? Buerkesth.
- Man åvteste vïenhth aerebi saemieh provhkin nihpierdidh? Ohtsedh vielie bïevnesh gaske-viermesne nihpierdimmien bïjre.
- Tjaelieh åenehks tjaalegem gusnie buerkesth man åvteste almetjh aerebi provhkin nihpierdidh.
3. laavenjasse
- Jonar Thomasson soptseste maam aahka darjoeji gosse lij soermem tjoehpedamme. Maam daarjoeji? Buerkesth jïjtjedh baakoegujmie.
- Jonar Thomasson aaj soptseste maam saemieh darjoejin gosse saejrie garre varta. Buerkesth jïjtjedh baakoegujmie maam dellie darjoeji.
4. laavenjasse
Man åvteste tjaalegh guktie daate Ånnetji saejrieh jïh vertemen bïjre vihkeles mijjese?
5. laavenjasse
Mij lea aerpievuekie-daajroen sijjie daaletjen siebriedahkesne. Tjaelieh ussjedihks tjaalegem daan bïjre.
Relatert innhold
CC BY-SASkrevet av Helen Blind Brandsfjell og Liv Karin Joma.
Sist faglig oppdatert 03.12.2018