Gaaltije-læstoe
![PC jïh gærjah buertesne. Guvvie.](https://api.ndla.no/image-api/raw/287476514.jpg?width=1024)
Göökte vuekieh
Göökte vuekieh gååvnesieh gosse edtjh gaaltijh tjaeledh. Mujhtieh tjoerh aktem daejstie veeljedh.
Harvard-stijle
Gosse edtjh gærjam gaaltije-læstose tjaeledh dellie maahtah naemhtie tjaeledh: minngie-nomme, åvte-nomme (ajve voestes bokstaave), bæjhkoehtimmie-jaepie, gærjan nomme (kursijvesne), bæjhkoehtimmie-sijjie jïh bertemen nomme.
Gaaltije-læstoe
Bull, E. H. (2001) Dejpeladtje muvhth vätnoeh jïh vuekieh. Jokkmokk: Samernas utbildningscentrum.
Jis nedte-artihkelem tjaelijinie nuhtjh
Danielsen. I. E. (2017) Det er på tide å si unnskyld. https://www.adressa.no/meninger/kronikker/2017/02/14/Det-er-på-tide-å-si-unnskyld-14214017.ece [lohkeme 22.10.18]
Chicago-stijle
Gosse datne daam stijlem nuhtjh dellie maahtah naemhtie tjaeledh: tjaelien minngie-nomme, åvte-nomme, gærjan nomme(kursijvesne), bæjhkoetimmie-sijjie, berteme, bæjhkoetimmie-jaepie.
Gaaltije-læstoe
Bull, Ella Holm. Dejpeladtje muvhth vätnoeh jïh vuekieh. Jokkmokk: Samerna utbildningscentrum. 2001.
Jis nedte-artihkelem tjaelijinie nuhtjh
Danielsen. Inge Even. Det er på tide å si unnskyld. (2017). https://www.adressa.no/meninger/kronikker/2017/02/14/Det-er-på-tide-å-si-unnskyld-14214017.ece [lohkeme 22.10.18]