Mij gïele?
Gïele lea dïhte mejnie almetje jïjtse åssjalommesh buakta. Gïele lea guarkeme-vierhkie. Gieline mijjieh maehtebe, vg tjïelkestidh, guvviedidh, soptsestidh, tsællodh, digkiedidh/dïejveldidh, gihtjedidh jïh raeriestidh. Gieline viehkine maehtebe mujhtedh maam vaestiedidh, guarkedh jïh vuejnedh.
Gïeline mijjieh kultuvrem jïh aerpie-vuekieh lïerebe mah mijjen jïjtje-domtese daerpies. Mijjieh kultuvrem gïeline guarkebe jïh mijjen sijjiem desnie. Kultuvrine viehkine vuekiej bïjre aaj lïerebe seabradahkesne. Gïeline seabradahkesne bearkadibie. Jeenjebi gïeligujmie dellie mih buerebe-laakan bearkadibie.
Soptsestims-gïele lea sïejhmebe goh tjaeleme-gïele. Soptsestimmine almetje leara jïh gïelem nænnoste. Muvhtene aelhkebe domtoeh jïh åssjalommesh tjaaleldh tjïelkestidh goh njaalmeldh? Muvhth eah lyjhkh tjaeledh jïh dagkerem barkoem veeljieh gusnie ij daerpies man jeenjem tjaeledh.
Gaaltije
Maren Palismaa. (2006). Gïele lea faamoe. Davvi Girji o.s.