Njuike sisdollui
Fágaartihkal

Laboratoriijas bargat

Luonddudieđa lea huksejuvvon eksperimeanttaid ja áicamiid vuođul, ja danne lea praktihkalaš bargu guovddáš oassi luonddufágas. Eksperimeanttat bibmet jurdagiid ja rahpet vejolašvuođa reflekteret. Dalle lea álkit hukset máhtu ja ipmárdusa sihke okto ja ovttas skuvlaoappáiguin ja -vielljaiguin.
Njoarrat rukses golgosa seakka bohccis jargŋái. Govva.
Govva: Tom Knudsen / CC BY-SA 4.0

Eksperimeanttat leat dehálaš oassin luonddufágas

Praktihkalaš vásáhusat maid oaččut geahččaladdamiin luonddufágaoahphusas, dahket ahte luonddufága šaddá eambbo áigeguovdil, gelddolaš ja miellegiddevaš. Muhtumiin gullá sáhkkitvuohta go bohtet laboratoriija sisa, ja earáid mielas fas lea veaháš issoras. Go oahpasnuvat reaidduiguin ja dieđát mo daid galgá gieđahallat, de šaddet eksperimeanttat sihke eambbo dorvvolažžan, álkibun ja addet dutnje eambbo.

Luonddufága oahppoplána sitáhta:

«Oahppit galget vásihit luonddufága praktihkalaš ja suokkardeaddji fágan. Oahppit galget vásáhusaid, imaštallama ja suokkardeami bokte áddet máilmmi iežaset birra luonddudieđalaš perspektiivvas. Go bargá praktihkalaččat ja go ráhkada iežas modeallaid čoavdit fágalaš hástalusaid, de sáhttet oahppit ovdánahttit hutkanilu, dáidduid ođđasitjurddašit ja áddejumi luonddufágalaš teoriijii.» (Udir, 2019)

Laboratoriijabarggu bokte lea vejolaš

  • bargat praktihkalaš ja suokkardeaddji vugiiguin
  • čoavdit fágalaš hástálusaid
  • geavahit teoriija praktihkalaččat
  • vásihit juoidá mii oažžu du imaštallat ja reflekteret
  • digaštallat, reflekteret ja árvvoštallat metodaid, boasttugálduid ja hypotesaid

Gáldu

Utdanningsdirektoratet. (2019). Guovddášelemeanttat. Vižžojuvvon https://www.udir.no/lk20/nat02-04/om-faget/kjerneelementer?lang=sme