Njuike sisdollui
Hárjehus

Python BMI-programmeren

Dás ráhkadat prográmma mii rehkenastá gorutmássaindeaksa (BMI). BMI boahtá eaŋgalas dadjanvuogis Body Mass Index. BMI čájeha gori gorutallodaga ja deattu gaskkas, muhto ii atte máŋggabeallásaš dieđuid dearvvašvuođa ja goruda birra.
Guokte juolggi čužžot veavtta alde mii čájeha 126 kg. Govva.
Govva: Tore Wuttudal / CC BY-NC-SA 4.0

BMI addá ovttageardánis gova

Gorutmássaindeaksa lea mihttu dasa lea go okta olmmoš beare vuollegis deaddu, normála deaddu dahje buidodat, muhto ane muittus ahte lohku mii boahtá ovdán, addá dušše dieđuid gori birra gaskkal allodaga ja deattu.

BMI ii muital maidege goruthámi, buoideproseantta, fysalaš foarpma dahje agi birra. Muhtin áššit, nu mo deahkkemássa buoiddi ektui, jus lea hui vuollegaš dahje allat, ja jus lea vuollel 20 jagi dahje hui boaris, váikkuhit dainna lágiin ahte šaddá boastut geahččat dušše BMI.

Rehkenastin dihte BMI geavahit mii čuovvovaš formela:

BMI=Deaddu(kg)Allodat2(m)

Vástádusaid man formel addá, juohkit mii máŋgga iešguđet kategoriijaide (juohku sáhttá rievddadit gáldus gáldui):

  • beare vuollegis deaddu: < 18,5
  • normála deaddu: 18,5–24,9
  • buidodat: 25–29,9
  • buoidivuohta gráda 1: 30–34,9
  • buoidivuohta gráda 2: 35–39,9
  • buoidivuohta gráda 3: > 40

Mii sáhttit ráhkadit prográmma mii rehkenastá dán midjiide. Muitte geavahit čuoggá (.) dan sadjái go rihku (,) go vuoját prográmma ja galggat čállit allodaga mehteriin .

Geača koda ja bohtosa oktanaga

Gurut fálus sáhtát válljet čájehit ollesgovdodagain jus háliidat oaidnit koda ja bohtosa oktanaga. Sáhtát maid seamma oláhit go máŋget koda muhtin Pyhtonprográmmii, ovdamearkka dihte Spyderii.

Rievdat deattu ja BMI

Jus muhtin háliida rievdadit deattu boahtin dihte dan interválla siskkobeallái man BMI gohčoda "normála deaddu", sáhttá ávkin leat prográmma mii rehkenastá deattu man son ferte oláhit.

Geahččal viiddidit prográmma nu ahte rehkenastá deattu go geavaheaddji addá sávahahtti BMI-logu. Geahččal álggos ieš. Čoavddus sáhttá leat dakkár: