Njuike sisdollui
Fágaartihkal

Iešguđet freakveanssat iešguđet atnui

Ollu min gulahallanteknologiijas lea sorjavaš rádiobáruin. Jus galgat gulahallat guhkes gaskkaid, de fertet váruhit ahte ii oktage eará juo geavat frekveanssa. Fertet maid diehtit ahte muhtin gii ii galgga dieđuid oažžut, sáhttá darvehit radiosáddaga, jus bárroguhkkodat lea doarvái guhkki.
Šearbmagovva radiosignála filmmas. Nieida čuožžo mobiillain gávpotbirrasis, ja mannet animerejuvvon signálat mobiillas básastašuvdnii mii lea visttii alde. Govva.
Govva: Leidar / CC BY-NC 4.0

Bárroguhkkodagat ja frekveanssat - garra reguleren

Lea rádji das man galli frekveanssas sáhttá sáddet radiobáruid. Dan dihte lea geavaheamis garra reguleren. Jus áiggošit báikkálaš radio álggahit, de dárbbašat doaibmalobi Mediabearráigeahčus ja frekveansalobi Našunála gulahallaneiseváldis. Iešguđet almmolaš etáhtain, nu mo politiijain ja buollindoaimmahagas, leat iežaset frekveanssat, dan botta go girdijohtolagas ja riddoradios leat ges eará. Televuođđudusat ožžot lobiid frekveanssaid geavahit mat leat jurddašuvvon mobiilajohtolahkii ja Wi-Fii.

Gaska mearrida guđe frekveanssa mii geavahit

Ođđaáigásaš teknologiija geavaha ain eambbo radiobáruid main lea alla frekveansa ja oaneheabbo bárroguhkkodat. Dalle ferte leat oanehis gaska sáddejeaddji ja vuostáiváldi gaskkas. Go lea guhkit gaskka, de ferte frekveansa leat vuolit ja bárroguhkkodat guhkit.

Radio ja mobiilatelefovdna sáddejit báruid main lea iešguđet frekveanssat ja bárriguhkkodagat. Illustrašuvdna.

Bajimusas: Radiobárut main lea guhkes bárroguhkkodat fievrridit veaháš dieđuid guhkes gaskkaid.

Vuolimusas: Radiobárut main lea oanehis bárroguhkkodat ja alla frekveansa fievrridit ollu dieđuid oanehis gaskkaid.

Govva: Leidar / CC BY-NC 4.0

Ságastallan mobiilatelefovnnain

Vai galggat sáhttit riŋget dahje surfet mobiilatelefovnnain, de fertet lea dan mađe lahka muhtin básastašuvnna ahte du telefovdna oažžu das signálaid. Eará sániiguin ferte dus gokču. Básastašuvnnat lea laktasan kontrolleriidda (hub/svitsj), mat fas lea serverii laktasan. Serverat laktasit oktii mobiilafierpmádahkan.

Illustrašuvdna mii čájeha mo radiosignálat fievrriduvvot sáddejeadji mobiillas, sáddejeadji básastašuvdnii, kontrolleriid ja serveriid bokte, gitta vuostáiváldii básastašuvdnii ja vuostáiváldi mobilii.
Govva: Thomas Bedin / CC BY-SA 4.0

Du mobiilatelefovdna doaibmá sihke radiosáddejeaddjin ja radiovuostáiváldin. Go humat telefovdnii, de jietnabárut nuppástuvvet elektralaš signálan mat gieđahallojuvvet ja nuppástuvvet datapáhkaide. Datapáhkat dasto sáddejuvvojit telefovnnas radiobáruid mielde. Dat sáddejuvvojit lagamus básastašuvdnii, ja de manná signála fierpmádagaid ja serveriid bokte básastašuvdnii mii lea vuostáiváldi lagamusas. Doppe signála fas nuppástuvvo radiosignálan mii sáddejuvvon mobiilatelefovdnii. Ságastallan ránnjáin sáhttá mátkkoštan oalle guhkas vai olle nuppe beallái seainni.