Njuike sisdollui
Bargobihttá

Laavenjassh: Båatsoe-bïenjh

Laavenjassh soptsesasse «Båatsoe-bïenjh» maam Klement Klemensson soptsestamme jïh Lajla Mattsson Magga tjaaleme.
Ryönjesæjja jïh bïenje skovterisnie tjahkesjeminie. Guvvie
Båatsoe-bïenje hijven meatan utnedh. Govva: Marit M. Fjellheim / CC BY-NC-SA 4.0

1. laavenjasse

Lohkh tjaalegem Båatsoe-bïenjh, jïh vaestedh gyhtjelasside.

  1. Gie edtja skoedtjine årrodh mearan onne lea?
  2. Man åvteste ij leah hijven göökte skoedtjh utnedh gusnie jïjnjh maanah?
  3. Guktie darjodh juktie aajhtere jïh bïenje edtja hijvenlaakan åahpenidh jïh goerkesadtedh?
  4. Guktie darjodh voestes aejkien gosse bïenjem meatan vaalta bovtsi gåajkoe jïh bïenje aalka dåålvedidh?
  5. Maam darjodh mubpien aejkien gosse bïenje dåålvede jïh låavta jïjtje?
  6. Mejnie aajhtere edtja vuertedh goske bïenjen måaskesh luajhteme?
  7. Dïhte soptsestæjja akten bïenjem skeemmi, guktie dellie darjoeji dejnie bïenjine?
  8. Guktie båatsoe-bïenje hijven sarve-bïenjine aaj maahta sjïdtedh?

2. laavenjasse

Mij lea vuejiehtæjja bïenje?

3. laavenjasse

Bïenje maahta ovmessielaakan årrodh, v.g. plievvies, pleangoeh jallh haassehke. Buerkesth guktie aajhtere byöroe dej ovmessie bïenji vuestie dåemiedidh gosse deememinie.