Bïenje mov
Albert Jåma daam diktem tjaaleme. Dikte lea gærjeste Gorredh gïelem mij jaepien 2004 trygkesovvi.
Bïenje mov
Albert Jåma
Tjebrien gujht månnoeh
Guhkies hov biejjieh –
tjïeskeles, löövlehkes
Luvregs gujht læjhkan
Gosse mån gohtjedem
flïjmerden mojjehten –
mov gåajka båata,
madtjeles eadtjohke
Ih gujht nïerh dåålvedidh
maaje dan luste
garvestidh buvvedh
nimhtie dov vuekie
Tjoerem gujht nihtedh
Barkoe hov monnen -
Raedtie dan vijries
Juelkieh dan åenehks
Månnoeh dan sæjloes
Buerebe tïjje
Båetije biejjieh
Dåajvohtem dutnjien
Saajve-aajmoe daajrah
Desnie min dïervesjien
Jijhteles biejjien
Åeremen mænngan
Desnie dån åadtjoeh
Dåålvedidh barhvesjidh
Guktie dån håajsoeh
Abpe biejjiem
Jïh gosse iehkede
barhvh aaj vihth tjuedtjielieh -
jirreden maahtah
dejtie viht dåålvedidh
Jïh mearan datne
Dejnie dån gïehtelh
Saajve-ealoem vaarrestem
Stööremes ealoe
CC BY-NC-SADán lea/leat čállán Albert Jåma, Aasta Joma Granefjell ja Liv Karin Joma. Vuoigatvuođaguoddi: Fylkesmannen i Nordland
Maŋemusat ođastuvvon 06/04/2019