Hárjehus
Laavenjassh: Mubpesth jiehtedh
Maehtebe mubpesth jiehtedh gïeleldh vierhkie-vierhtine nuhtjedh teekstine, guvvine jïh filmine. Daesnie laavenjassh faage-sæjrose Mubpesth jiehtedh.
Govva: Nickondr / CC BY-NC 4.0
Vuartesjh filmem What lokal people? (youtube.com), gusnie Mimi Märak håaloeminie.
- Maam Mimi Märak gellien aejkien jeahta? Bïhkedh.
- Man åvteste Mimi gïeleldh vierhkie-vierhtiem Mubpesth jiehtedh nuhtjie?
Lohkh diktem Sirrieh maam Ella Holm Bull tjaaleme.
Mij baakojde vihkielommes?
- Gïehtjedh rijme-baakoeh.
- Guktie dah orrijieh?
- Gosse baakojde govlh. Maam dellie ussjedh?
Buerkesth dikten jievkehtimmie.
- Jaabne?
- Myövhkes jallh garres?
- Guktie gïeleldh vierhkie-vierhtieh mubpesth jiehtedh, rijme jïh jievkehtimmie dikten sisvegem tjïertestieh?
Mubpesth jiehtedh viehkie-vierhtine guvvine.
Govva: Liv Karin Joma / CC BY-SA 4.0
Vuartesjh guvvide. Maam maehtebe gellien aejkien vuejnedh? Bïhkedh.
Govva: Hilde Larsen Damsgaard / CC BY-NC-SA 4.0
Gïeleldh vierhkie-vierhtie Mubpesth jiehtedh reklaame-filmesne.
Vuartesjh reklaame-filmem Sofia Jannok Matprat reklame Irene (youtube.com).
- Bïhkedh guktie filme-darjojh gïeleldh vierhkie-vierhtiem Mubpesth jiehtedh nuhtjeme. Lahtesth dovne guvvide jïh musihkem.
- Mij dïhte dïjre maam guvvieh jïh musihke mijjese soptsestieh?