Hopp til innhald

  1. Home
  2. Kokk- og servitørfag Vg2ChevronRight
  3. DrikkevarerChevronRight
  4. VinområdeChevronRight
  5. ChablisChevronRight
SubjectMaterialFagstoff

Fagartikkel

Chablis

I Chablis blir det nesten berre produsert kvite vinar av Chardonnay-drua. Vinane er tørre med fyldig smak med preg av sitrus og kraftig blomeliknande bouquet.

Chablis

Kart over vinområdet Chablis i Frankrike. Foto.
Kart over vinområdet Chablis i Frankrike.

Området Chablis er det nordvestlegaste i Bourgogne. Chablis har vanskelege klimatiske forhold, og avkastningane kan variere mykje både i kvalitet og kvantitet. Det blir nesten berre produsert kvite vinar av Chardonnay-drua. Vinane er tørre med fyldig smak med preg av sitrus og kraftig blomeliknande bouquet.

Fire hovudgrupper av Chablis-vin

  • Chablis Grand Cru er dei beste. Dei kjem frå sju vinmarker som ligg i sørvende skråningar nordaust for byen Chablis. Vinen er den kraftigaste og den mest lagringsdyktige.
  • Chablis Premier Cru er dei nest beste, og dei kjem frå elleve vinmarker rundt byen Chablis. Samanlikna med grand cru-vinane er dei noko lettare og har noko meir avgrensa haldbarheit.
  • Chablis er den tredje på rangstigen. Dei kan variere i kvaliteten og er best når dei er 2–3 år.
  • Petit Chablis står nedst på rangstigen og blir for det meste laga i ytterkanten av distriktet.

Vinane frå Chablis eignar seg godt til finare retter av fisk og skaldyr (hummar) og til kaviar, løyrom og lodderogn.

Læringsressursar

Vinområde

Kva er kjernestoff og tilleggsstoff?
SubjectEmne

Fagstoff