Aarvoeh teekstine mijjese soptsestieh maam tjaelije tuhtji vihkeles goh teekstem tjeeli. Lissine mah aarvoeh vihkeles seabradahkesne dellie.
Aarvoeh
Aarvoeh teekstesne mijjese soptsestieh, maam tjaelije tuhtjie vihkeles seabradahkesne. Mijjieh maehtebe aarvoej tjïrrh guarkedh mannasinie akte karakteere ovmessie veeljemh vaalta teekstesne. Mij karakteerem skreejrie numhtie jallh naemhtie darjodh.
Datne maahtah daejtie gyhtjelasside gihtjedh gosse edtjh teeksten aarvoeh gaavnedh:
- Maam/mïsse åejvie-persovne jaahka?
- Mij vihkeles åejvie-persovnese?
- Mij karakteerem/karakteeride skreejrie?
- Maam maahta buerkiestidh dam maam karakteere dorje/karakteerh darjoeh?
- Mah aarvoeh vihkeles seabradahkesne mah teekstesne buerkiestamme?
- Karakteerh seamma aarvoeh utnieh? Jallh tsælloe karakteeren/karakteeri jïh seabradahken aarvoej gaskem?
- Mah aarvoeh hijven teeksten mietie?
- Mah aarvoeh nåake teeksten mietie?
- Gåessie teekste bæjhkoehtamme?
- Mah aarvoeh lin vihkeles seabradahkesne don baelien?
CC BY-SASkrive av Helen Blind Brandsfjell, Siv Beate Ringseth og Katja Frost.
Sist fagleg oppdatert 05.02.2023