Hopp til innhald
Oppgåve

Barkh filmine «Koftepolitiet»

Barkh filmine «Koftepolitiet».
Guvvie filmeste "Koftepolitiet": Golme kaarrh, göökte sïejhme vaarjoejgujmie gåårveldahkesne, jïh akte gaptine. Dah nyjsenæjjine soptsesteminie. Nyjsenæjjan rööpses tjovle. Guvvie.
Bilete: Tonje Finne / Avgrensa bruksrett

1. boelhke: Eannan filmem vuartesjh

  1. Maam ussjedh gosse tihtelem Gaptapolitije govlh?

  2. Man bïjre filme, vïenhth?

2. boelhke: Vuartesjh filmem Koftepolitiet

Vuartesjh filmem Koftepolitiet NRK:sne.

3. boelhke: Digkedh filmem

Filmesne golme åejvie-almetjh, maam dej bïjre tuhtjh? Buerkesth!

  1. Maam åejvie-almetjh filmesne mielieh jiehtegigujmie gapta-beadteles (kofte-utro) jïh etno-kleenghkes (etno-kåt)?

  2. Filmesne saemieh ovmessie almetjh råekieh Oslovisnie. Maam dah ussjedieh guktie saemine årrodh?

  3. Gaptam guedtedh jallh ij? Mah argumenth åejvie-almetjh dan bïjre nuhtjieh?

  4. Mah åvtelh-aarvoeh vååjnesasse båetieh gosse almetjh maam akth darjoeh jïh jiehtieh? Gaavnh vuesiehtimmieh.

  5. Maam vïenhth filme-darjoje sæjhta filmine jiehtedh?

4. boelhke: Lohkh göökte artihkelh

  1. Lohkh artihkelem "Her gjør Ellen Berit det utenkelige".

    1. Man bïjre artihkele?

    2. Gaavnh argumenth artihkelisnie.

    3. Maam tuhtjh artihkelen bïjre?

  2. Mah åvtelh-aarvoeh saemiej jïh saemien kultuvren bïjre gaavnh artihkelisnie "Stereotypier om den samiske befolkningen i Norge"?

  3. Mah åvtelh-aarvoeh saemiej bïjre datne dååjreme? Soptsesth dan bïjre.

Relatert innhald

Fagstoff
Gaptapolitije

Filme «Koftepolitiet» akte åenehks-filme mij vuesehte maam saemieh jïh mubpieh almetjh ussjedieh guktie saemine årrodh.