Hopp til innhald
Oppgåve

Tjeahpoeh ektiedimmien mietie

Teekste iktegisth dam maam almetje baakoejgujmie tjaala jallh gïeline soptseste? Maehtebe saemien teekstem vijriebasse aaj guarkedh?
«Pile o´ Sápmi Supreme» maam Máret Ánne Sara dorjeme. Guvvie.
«Pile o´ Sápmi Supreme» maam Máret Ánne Sara dorjeme. Daelie Nasjonaale-museumesne. Bilete: Marit Anne Sara / CC BY-NC-SA 4.0

1. laavenjasse

  1. Gie Máret Ánne Sara jïh gubpede båata? Ohtsedh bïevnesh gaske-viermesne.

  2. Mah tjeahpoeh Máret Ánne Sara dorje? Buerkesth åenehkslaakan.

  3. Man heannadæmman Sara vuesehte sov åehpies guvvien tjïrrh «Pile o´Sápmi»?

  4. Man åvteste daam dorjeme jïh mij tjiehpiedæjjan dïjre?

  5. Maehtebe Máret Ánne Saran guvviem guarkedh goh saemien teekste? Mannasinie, mannasinie ij?

2. laavenjasse

  1. Gie Anders Sunna jïh gubpede båata? Ohtsedh bïevnesh gaske-viermesne.

  2. Mah tjeahpoeh Anders Sunna dorje? Buerkesth åenehkslaakan.

  3. Sunna heannadimmide vuesehte sov guvviej tjïrrh? Gaavnh vuesiehtimmieh.

  4. Datne vïenhth gaajhkh almetjh dah seamma heannadimmieh vuejnieh jïh seammalaakan dejtie guarkah? Mannasinie, mannasinie ij?

  5. Man åvteste dah heannadimmieh mejtie datne gaavneme meatan, datne vïenhth?

  6. Guktie maehtebe daejtie guvvide lohkedh kultuvre-histovrijes ektiedimmien mietie? Buerkesth jïjtjedh baakoejgujmie.

  7. Maehtebe Anders Sunnan guvvide guarkedh goh saemien teeksth? Mannasinie, mannasinie ij?

3. laavenjasse

  1. Gie Britta Marakatt-Labba jïh gubpede båata? Ohtsedh bïevnesh gaske-viermesne.

  2. Britta Marakatt-Labba lea guhkies guvviem gååreme maam gohtjeme «Historjá». Ohtsh guvviem gaske-viermesne jïh vuartesjh daam.

  3. Magkeres guvvie lea jïh maam tjiehpiedæjja soptseste dan guvvien tjïrrh? Buerkesth åenehkslaakan.

  4. Guktie Marakatt-Labba guvviem öörneme tïjjen mietie? Buerkesth.

  5. Mah histovrijes heannadimmieh datne vueptesth? Gaavnh vaenemes golme heannadimmieh.

  6. Datne vïenhth gaajhkh almetjh dah seamma heannadimmieh vuejnieh jïh dejtie seammalaakan guarkah? Mannasinie, mannasinie ij?

  7. Man åvteste dah heannadimmieh mejtie datne gaavneme meatan, datne vïenhth?

  8. Guktie maehtebe daam guvviem lohkedh kultuvre-histovrijes ektiedimmien mietie? Buerkesth jïjtjedh baakoejgujmie.

  9. Man åvteste tjiehpiedæjja daam guvviem gohtjeme «Historjá»?

  10. Maehtebe daam guvviem guarkedh goh saemien teekste? Mannasinie, mannasinie ij?

4. laavenjasse

Gaavnh jeatjah saemien tjiehpiedæjjam gie maam akt sjïere dorjeme, v.g. guvviem, daeverem, musihkem.

  1. Gie tjiehpiedæjja jïh gubpede båata? Ohtsedh bïevnesh gaske-viermesne.

  2. Maam sjïere dïhte dorjeme? Buerkesth åenehkslaakan.

  3. Dam maam dorjeme sjïere heannadæmman viedteldihkie?

  4. Maehtebe dam, maam dorjeme, guarkedh goh saemien teekste? Mannasinie, mannasinie ij?