Uregelrette adjektiv: gradbøying

Dette er ein del av ein læringssti om adjektiv. Første trinn er fagartikkelen "Alt om adjektiv".

Desse fagomgrepa blir brukte og forklarte i løpet av teksten:

Adjektiv

Adjektiv er ein ordklasse som beskriv noko. Døme: Elefanten er stor, men musa er lita. Her er "stor" og "lita" adjektiv.

Uregelrett bøying

Uregelrett bøying betyr at eit ord ikkje følger dei vanlegaste reglane ordklassen har. Til dømes er substantivet "mann" uregelrett fordi det ikkje følger dei vanlege reglane for korleis hankjønnssubstantiv blir bøygde: ein mann – mannen – menn – mennene. Regelrett bøying av substantiv som er hankjønn, er: ein gut - guten - gutar - gutane.

Antonym

Eit antonym er eit ord som betyr det motsette av eit anna. Eit døme på eit antonym er: ny – gammal.

Substantiv

Substantiv er ein ordklasse med ord som handlar om ting, omgrep og namn. Døme: hus, tanke, Adam.

No skal du lære deg gradbøying av ti vanlege adjektiv som er uregelrette. Åtte av desse er antonym. Antonym er ord som betyr det motsette av kvarandre. Desse er:

• ung – gammal

• stor – liten

• mange – få

• god – vond

I tillegg skal du lære gradbøying av desse to adjektiva:

• tung

• mykje

Bla gjennom presentasjonen under for å lære korleis du bøyer adjektiva, og korleis du bruker dei i setningar.

Mange adjektiv forandrar ikkje form når dei blir gradbøygde. I staden blir orda meir eller mest lagde til framfor dei:

Det er spesielt lange adjektiv og adjektiv som er lånord frå andre språk du skal bøye slik. Her følger ei liste over nokre vanlege adjektiv som du skal bøye med meir og mest framfor:

Adjektiv som sluttar på -er, -el og -ein, får ein litt annan skrivemåte i komparativ og superlativ:

Som du legg merke til, mister orda "vakker" og "sikker" ein konsonant. I tillegg mister alle orda den e-en som står nestsist i ordet.

Gå vidare i læringsstien for å øve deg på å bøye uregelrette adjektiv.