Kom i gong med "Plasten – populær og problematisk"
Denne sida inneheld forslag til korleis de kan jobbe med dette temaet. Vi har bygd det opp med ulike delar som speglar ulike fasar i arbeidet. Først finn de ut kva de kan frå før, og kva de vil jobbe vidare med. Så får de moglegheita til å lære meir gjennom varierte ressursar. Til slutt undersøkjer de ulike vinklingar på plast, og korleis vi kan løyse problema som plasten forårsakar.
Til kvar del har vi lista opp forslag til ressursar de kan bruke. I lista nedst finn de igjen alle desse, i tillegg til ein god del fleire ressursar.
Del 1: Få oversikt
I denne delen skal de finne ut kva de kan om plast frå før. De får òg klargjort kva de treng å vite meir om for å kunne forstå kva som er problemet med plast, og for å kunne foreslå løysingar.
Forslag til ressursar
- Diskuter påstander om plast i klassen. Finn ut kva de kan om plast frå før, og kva de må finne ut meir om.
- Hva er problemet med plasten?
Sjå "Folkeopplysningen – Kort forklart om plastposer". Diskuter problemstillingar knytte til bruk av plast.
Del 2: Finn ut meir på ulike måtar
I denne delen vel de ressursar som hjelper dykk å finne ut meir om plast. De kan lese tekstar, sjå film, diskutere påstandar og gjere forsøk og undersøkingar. Under har vi sett opp nokre ressursar. Det finst fleire i opplistinga nedst på denne sida.
Forslag til ressursar
- Artikkel: Plast - karbon og hydrogen i lange banar
Plast er eit syntetisk materiale som er bygd opp av lange hydrokarbonkjeder. Det er eit nyttig materiale, men det skaper òg problem for oss. - Artikkel: Når plasten ikkje er fantastisk
Plast kan vere nyttig når han er i bruk, men viss han kjem på avvegar, kan det bli eit problem for både dyr og menneske. - Artikkel: Marine plastics (engelsk)An article about the detrimental effects of marine plastics on the environment, wildlife and humans.
- Kort film: Kort fortalt om plastens historie I denne filmen frå TED-Ed får vi bakgrunnen for utviklinga av plast og følgjer utviklinga fram til vår tid.
- Podkast og oppgåver: Korleis skal vi få has på plastberget? Lytt til podkast om moglege løysingar på problema med plast og svar på oppgåver
- Oppgåve: Lag stop motion-film med organiske molekyl
Bli kjent med korleis plast blir danna og er bygd opp ved å lage din eigen stop motion-film. - Forsøk: Lag din eigen bioplast
Lag din eigen bioplast og undersøk eigenskapane han har. Kan bioplast vere ei god erstatning for plasten som er laga av fossil olje? - Feltarbeid: Påvising av mikroplast
Ta prøver av vatn, vegstøv eller sediment og undersøk om de finn mikroplast.
Del 3: Gå i djupna
Etter å ha fått oversikt over kva plast er, og korleis plast kan vere eit problem, er de kanskje klare til å jobbe med løysingar?
Vi har laga forslag til korleis de kan angripe denne utfordringa med utgangspunkt i ulike yrkesfaglege utdanningsprogram og ulike fag. I desse oppgåvene må du bruke kunnskap frå fleire fag for å komme i mål, sjølv om du tek utgangspunkt i eit bestemt yrke eller fag. Bruk gjerne eit av forslaga våre, eller formuler ei problemstilling eller oppgåve sjølv.
Forslag til ressursar (aktuelle fag i parentes)
- Oppdrag: Finn erstatninger for oasis (blomsterdekoratør, naturfag). Oasis er mykje brukt i blomsterdekorasjonar, men dei fleste typane oasis er ikkje nedbrytbare. Undersøk alternativ til oasis.
- Finn mikroplast i kosmetikk (frisør, naturfag). Undersøk kosmetikk de har heime og sjå om de finn mikroplast.
- Plast i helse- og omsorgstjenestene (helsefagarbeidar, naturfag, norsk). Oppgåve der du skal utforske bruk av plast på praksisstaden din eller ein annan tenestestad innan helse- og omsorgstenestene.
- Plast i barnehagar, skular og SFO (barne- og ungdomsarbeid, naturfag, norsk). Oppgåve der du skal vurdere bruken av plast i til dømes ein barnehage og foreslå aktuelle tiltak for å redusere bruken.
- Plast og emballasje i kokk- og servitørfag (kokke- og servitørfag, naturfag, naturfag). Oppgåve der du skal kartleggje bruk av plast i praksisverkstaden din og undersøkje alternativ til plast.
- Gummi frå løvetann – ein berekraftig veg til framtida? og Lag gummi frå løvetann (køyretøy, naturfag). Slitasje av bildekk er ei stor kjelde til mikroplast. Kan dekk laga av gummi frå løvetann vere løysinga?
- Design nye produkt av plastavfall (handverk, design og produktutvikling, naturfag). Kan plastfall vere ein ressurs? Design eit produkt som er laga av plastavfall.
- Mikroplast i klede? (handverk, design og produktutvikling, naturfag). I denne oppgåva skal du undersøkje mikroplast i klede og designe ein plastfri sko.
- Forsøk: Kan alginat erstatte plastemballasje? (biologi)
Utvinn stoffa alginat frå tong og tare og test ut korleis alginat kan fungere som emballasje. - Plast i naturen – plogging (kroppsøving)
Plukk søppel og jogg – samtidig. Vurder kva for type plast du har funne og reflekter rundt kvifor plasten har hamna der. - Skriv ein fagartikkel om plast (norsk, naturfag) Korleis skrive ein fagartikkel der du drøftar om plasten er venen eller fienden vår? Her finn du modelltekstar og skrivetips om akademisk skriving.
- Tasks: Marine plastics (engelsk, naturfag) Plan and carry out a panel discussion about plastics. Write an essay in which you discuss different measures that we should take to solve the problem of marine plastics.
Del 4: Del det de har funne ut
Det er gøy å dele det de har funne ut med andre. Lag rapportar, podkastar, filmar og plakatar. Vel sjølv!