Tareas: Cinco latinoamericanos famosos
1. Una presentación
Vel éin av dei fem kjende personane frå dette kapittelet. Gå på nett og søk etter meir informasjon om personen. Gode søkeord kan vere "fun facts" eller "morosame faktum" (spansk: curiosidades), "livsverk" (spansk: la obra de su vida) eller "biografi" (spansk: biografía) saman med namnet til personen.
Presenter personen i klassen eller for ei lita gruppe. Presentasjonen skal innehalde følgande punkt:
liv og virke: familie, bustad, utdanning, jobb, karriere ...
Kan du vise fram noko, som til dømes eit bilete eller ein filmsnutt? Kommenter bilete eller videoklipp du bruker, og hugs å oppgi kjelde og lisens.
kuriosum (= fun facts): Kan du finne nokon interessante eller morosame faktum om denne personen?
sitat: Prøv å finne eit sitat frå denne personen. Forklar kort kvifor du synest sitatet er bra.
dine eigne tankar og refleksjonar: Kva imponerer deg med denne personen? Kvifor er hen eit godt forbilete?
2. ¿Qué recomiendas?
Vennen din, Cris, sender deg meldinga under. Skriv eit svar på 180–220 ord. I svaret ditt skal du
foreslå minst to kjende personar Cris kan velje mellom
grunngi forslaget ditt
tilby å møtast slik at du kan hjelpe Cris med oppgåva
Husk å starte og avslutte teksten din på ein passande måte og å svare på alle spørsmåla vennen din stiller.
¡Hola! ¿Qué tal? ¡Hace mucho tiempo que no hablamos! ¿Cómo te va últimamente? ¿Tienes novedades? Oye, ¡necesito tu ayuda! Tengo que preparar una presentación sobre una persona famosa de América Latina para la semana que viene. ¡Pero no tengo ni idea de a quién elegir! Tiene que ser una persona que haya contribuido de manera positiva a la sociedad. Es decir, un buen modelo a seguir. ¿Quién me recomiendas? Un abrazo, Cris.
3. Juego de rol
Tenk deg at du er ein kjend latinamerikansk person, til dømes Favio Chávez. Du sit på toget, og plutseleg sit til dømes Rigoberta Menchú ved sida av deg!
Finn ein partnar. Skriv ein dialog saman, og spel han. De kan velje frå personane i dette kapittelet eller finne eigne.
Hugs at to vaksne personar som ikkje kjenner kvarandre, sannsynlegvis vil bruke formell tiltale (usted) når dei snakkar saman.
Nokre idéar til dialogen:
A kjenner ikkje igjen B. Det blir pinleg!
A og B finn nokre felles interesser.
A og B oppdagar at dei er i slekt.
A er stor fan av B, men B liker eigentleg ikkje A så veldig godt.
A vil snakke mykje, mens B er veldig trøytt og vil helst kvile.
A baksnakkar nokon utan å vite at denne personen er bestevennen til B.