Når du er i praksis, skal du velje ut nokre kompetansemål frå vg3 som du skal fokusere spesielt på. Etter du har valt ut til dømes fem kompetansemål, må du konkretisere desse måla. Kva inneber dei for deg på din praksisplass? Dersom du er utplassert i ferskvarehandlarfaget og har valt kompetansemålet legge opp diskar, eksponere og selje kalde og varme produkt og andre ferskvarer, må du konkretisere kva det vil seie å legge opp ein ferskvaredisk i bedrifta du er utplassert i. Det kan til dømes vere at du beskriv kva prinsipp du har følgt for å bygge opp ein ferskvaredisk som freistar kundane til å handle.
Det er fint å legge inn bilete i loggen som illustrerer arbeidsoppgåvene du har utført. Har du til dømes jobba med å legge opp ein ferskvaredisk, kan du ta bilete av det og setje det inn i loggen. Men hugs å avklare med arbeidsgivar om det er greitt at du tek bilete.
Dato: | Utfyllande svar | Andre kommentarar |
|---|---|---|
Arbeidstid | ||
Generelle arbeidsoppgåver denne dagen | ||
Kva arbeidsoppgåver har eg utført innanfor dei utvalde kompetansemåla? | ||
Første valde kompetansemål frå vg3 | ||
Andre valde kompetansemål frå vg3 | ||
Tredje valde kompetansemål frå vg3 | ||
Fjerde valde kompetansemål frå vg3 | ||
Femte valde kompetansemål frå vg3 | ||
Nye arbeidsoppgåver som eg ikkje har utført tidlegare | ||
Rettleiing eg har fått i dag | ||
Samanheng med det eg har lært på skulen | ||
Min eigen trivsel på arbeidsplassen | ||
Anna eg vil fortelje frå dagen | ||
I dag har eg lært | ||