Når du skriv, har du tid til å planleggje, endre og forbetre teksten din. Til gjengjeld må du vere endå meir mottakarmedviten enn når du snakkar, for lesaren kan ikkje spørje deg om noko skulle vere uklart. Ein velskriven tekst er til hjelp for lesaren – og mykje morosamare å lese!

Mange av tekstane du blir omgitt av, er sette saman av bilete, verbaltekst og kanskje òg lyd. I ein analyse av ein samansett tekst skal du beskrive kva slags uttrykksformer som er brukte, korleis dei speler saman og få fram korleis dette påverkar kommunikasjonen.