Åarjelsaemien voestesgïeline (SR vg3) - BETA

Bygger på:Åarjelsaemien voestesgïeline (SR jåa2)

Dette faget er under utvikling. Vi fyller på med ressursar fortløpande.

Gïele goh systeeme jïh nuepie

Gïele lea tjoejh, baakoeh jïh raajesh mah ektesne veadtaldihkie juktie almetjh maehtieh soptsestalledh, guarkadidh jïh mïelem buektiehtidh. Gïele lea grammatihkeles njoelkedassi mietie bigkeme, mah jorkesieh tïjjen mietie. Gïelen gellie dïrregh, juktie mijjieh maehtebe jiehtedh maam sïjhtebe.

Baakoeh mah plakaatine måaladamme. Voestes plakaatesne måaladamme: Manne, mannasinie, mannem veeljih. Gåalmadinie plakaatesne måaladamme: Saemie. Njealjadinie plakaatesne måaladamme: Faamoe. Guvvie. — Bilete: Aajege / CC BY-NC-SA 4.0

Åarjel-saemien grammatihke

Daennie teemesne lïerh nomeni, verbi, seerkeme-baakoej, raajese-bigkemen jïh jarkoestimmien bïjre.

Baakoeh grammatihken bïjre. Guvvie — Bilete: Liv Karin Joma, Stina Åshildsdatter Grolid / CC BY-SA 4.0

Nomenh

Baakoe nomene latijnen gïeleste båata mij lea nomme. Mijjieh baakoeh nomeninie gohtjebe, mah maehtebe kaasusinie jïh taaline sojjehtidh. Nomenh leah substantijvh, pronovmenh, taalh jïh adjektijvh. Åarjelsaemien-gïelesne maehtebe nomenidie gaektsine kaasusinie jïh gööktine taaline sojjehtidh.