Vg1 handverk, design og produktutvikling gir deg moglegheiter til å velje mellom 41 unike yrke. Du får bli kjent med fleire fag og mange teknikkar, gjennom handverk som har lange tradisjonar. Du skal lære metodar og framgangsmåtar, samtidig som du får jobbe med nyskaping og produktutvikling.

Etter Vg2 gull- og sølvsmedhandverk på skule kan du velje to år spesialisering i gullsmedfaget, sølvsmedfaget eller i filigranssølvsmedfaget i bedrift. I dette emnet ser vi på yrkesutdanningane innan gull- og sølvsmedhandverk.