Overflatebehandling i industrien endrar eigenskapane til materialoverflater ved hjelp av kjemiske, termiske eller mekaniske metodar. Formålet er å fjerne ujamnskapar, forbetre estetikk og auke hardleik og motstandsstyrke mot korrosjon.

Korrosjon er ein elektrokjemisk reaksjon mellom eit metall og omgivnadene. Den mest kjende korrosjonsforma er rust. Korleis kan vi verne ein konstruksjon mot korrosjon?

Forma på ein konstruksjon kan påverke kor utsett han er for korrosjon. Derfor bør konstruksjonen formast ut slik at det blir vanskeleg for korrosjon å få fotfeste og utvikle seg vidare.