Kven møter vi i podkasten?
Agnes Marie B. Gulbrandsen
Agnes Marie B. Gulbrandsen er frisør og stylist. Ho er dagleg leiar og gründer i Gevir, og ho driv fleire frisørsalongar i Oslo. I tillegg er ho stylist i Style Management.
Anne Ødemark
Anne Ødemark er blomedekoratør og jobbar i Blomsterpikene på Løren. Dei gjer alt frå event-styling til å levere blomar til bryllaup og gravferder eller meir daglege behov.
Torhild Aune Rustenberg
Torhild Aune Rustenberg er utdanna eksponeringsdesignar og har ein BBA i Fashion Merchandising and Management (Bachelor of Business Administration i moteleiing og marknadsføring). Ho er kreativ leiar i InHouse Group og Storeys, der ho mellom anna jobbar med visuell kommunikasjon og produktutvikling innanfor produktgruppene teppe, tapet og tekstilar.
Del 1: Oppgåve
Lytt til podkasten og noter viktige nøkkelord.
Oppsummer det innhaldet du synest er viktigast i podkasten. Bruk stikkorda du skreiv undervegs som utgangspunkt. Her kan du bruke H5P-en under.
Del 2: Diskusjon i mindre grupper
Sitt saman med to medelevar. La alle presentere sine eigne tankar og diskuter:
Korleis kan de møte kundar på ein profesjonell måte?
Kva utfordringar kan de møte når de jobbar på oppdrag frå andre?
Kva strategiar kan de bruke for å meistre forventningar i arbeidslivet?
Del 3: Klassesamtale
Bruk podkasten og oppgåvene som utgangspunkt for ein samtale i klassen om å vere ein profesjonell yrkesutøvar. Her kan de bruke det digitale verktøyet Samtavla til å dele viktige stikkord og til å strukturere samtalen.