Intern analyse - VY
Oppgåve
I denne oppgåva skal du analysere og identifisere VY sine konkurransefortrinn. I arbeidet må du gjere greie for korleis VY utnyttar interne ressursar. Vidare skal du beskrive kva hovudaktivitetar og støtteaktivitetar som kan bidra til å gi VY konkurransefortrinn. Bruk VRIO-analyse og verdikjedeanalyse som verktøy.
I arbeidet med analysane skal du ta utgangspunkt i
informasjon du veit om VY frå før
tips og informasjon som du finn nedanfor
relevant informasjon du finn ved søk
Ta eigne føresetnader der det er nødvendig.
Nokre tips for å løyse oppgåva
Start arbeidet med oppgåva individuelt og skriftleg. Gå deretter saman to og to for å diskutere og vurdere analysane de har jobba med og det de har komme fram til basert på analysane.
Det kan vere utfordrande å finne all nødvendig informasjon som trengst for å kunne gjennomføre interne analysar i sin heilskap. Sjå på dette som ei øving i å vurdere korleis VY skaper verdi (for så å kunne kartlegge styrkar og svakheiter). I øvinga er det ikkje nødvendigvis snakk om komplette og svært omfattande analysar basert på uttømmelige lister.
Tips til kvar du kan kan finne informasjon
artiklar i nyheitsbiletet relaterte til VY
offentlege register, som til dømes Brønnøysundregistera
Interne arbeidsvilkår
For å få finne styrkar og svakheiter må du analysere dei interne arbeidsvilkåra. Interne arbeidsvilkår er forhold internt i verksemda som VY sjølv kan kontrollere, som til dømes
produkt
pris
distribusjon
marknadskommunikasjon
personale og leiing
økonomi
VRIO-analyse
Du skal identifisere kva ressursar VY har eller kan utvikle som du meiner er relevante når du skal gjennomføre ein VRIO-analyse. Døme på slike ressursar kan vere Vys
merkevare
digitale plattform
flåte av tog og bussar
nettverk av ruter og destinasjonar
samarbeid med andre transportaktørar
verksemdskultur
Følgande fire spørsmål er aktuelle knytte til VRIO-analyse når du skal evaluere ressursar og identifisere konkurransefortrinn:
Er ressursen/ressursane verdifull(e)?
Er ressursen/ressursane sjeldan/sjeldne?
Er ressursen/ressursane vanskeleg(e) å kopiere?
Er verksemda godt organisert med evne og vilje til å utnytte ressursen på ein effektiv måte?
Verdifull? | Sjeldan? | Vanskeleg/kostbart å kopiere? | Godt organisert? | Påverknad på konkurransekraft |
|---|---|---|---|---|
| Nei | Konkurranseulempe | |||
| Ja | Nei | Nøytral/Likeverdig konkurranse | ||
| Ja | Ja | Nei | Mellombels konkurransefordel | |
| Ja | Ja | Ja | Nei | Uutnytta konkurransefordel |
| Ja | Ja | Ja | Ja | Varig konkurransefordel |
Verdikjedeanalyse
I ein verdikjedeanalyse skal du analysere aktivitetar ut frå kostnader, og korleis dei skaper verdi for verksemda og kundane deira. Korleis kan dei forbetrast eller blir utvikla for å auke verdien? Følgande spørsmål kan vere aktuelle:
Korleis skaper aktiviteten verdi for kundane?
Korleis medfører aktiviteten kostnader for verksemda?
Kor godt utfører verksemda aktiviteten samanlikna med konkurrentane?
Kva mogelegheiter finst det for å auke verdien eller redusere kostnadene ved aktiviteten?
Kva truslar eller utfordringar kan påverke verdien eller kostnadene ved aktiviteten?