Mijjen dajvh
Daelie lïerh
Litteræære tekstem lohkedh jïh vuartasjidh daehtie vuajnoe-raedteste:
saemien dajvi jïh vaeriej bïjre
maadtoen bïjre
dååjrehtsi jïh åssjaldahki bïjre
Mijjen dajveh
Tekstversjon
Mijjen dajveh
Jaahkenelkien Aanna
Daah leah mijjen dajveh, mijjen vaerieh. Daajkoe leah mijjen maadter-aahkah jïh maadter-aajjah jealeme, orredamme jïh vaarredamme.
Daajkoe leah annje dållesijjieh jïh gööth-sijjieh gaavnoes. Gelliem lehkiem maehtibie vaedtsedh jïh dellie vuajnajibie: «Daagkoe leah gujht aerebi aaj baalkah orreme.»
Maahtah tjihkedidh lïegkedidh, juelkien seejkh, dïhte jis derhviem tjïektjeste, – dellie aernh-gierkieh jijhtieh. Dïsse maahtah dållem bïejedh jïh daejredh:
«Daesnie leah mov almetjh aerebi aaj dållebealesne tjahkasjamme, lïegkedamme. Daestie leah daejtie seamma vaeride vuartasjamme mejtie manne daelie vuajnam.»
Maadtoen dajveh, maadtoen vaerieh.
Mijjen dajveh, mijjen vaerieh.
Mov dajveh, mov vaerieh.
Mijjen dajveh
Jaahkenelkien Aanna
Daah leah mijjen dajveh, mijjen vaerieh. Daajkoe leah mijjen maadter-aahkah jïh maadter-aajjah jealeme, orredamme jïh vaarredamme.
Daajkoe leah annje dållesijjieh jïh gööth-sijjieh gaavnoes. Gelliem lehkiem maehtibie vaedtsedh jïh dellie vuajnajibie: «Daagkoe leah gujht aerebi aaj baalkah orreme.»
Maahtah tjihkedidh lïegkedidh, juelkien seejkh, dïhte jis derhviem tjïektjeste, – dellie aernh-gierkieh jijhtieh. Dïsse maahtah dållem bïejedh jïh daejredh:
«Daesnie leah mov almetjh aerebi aaj dållebealesne tjahkasjamme, lïegkedamme. Daestie leah daejtie seamma vaeride vuartasjamme mejtie manne daelie vuajnam.»
Maadtoen dajveh, maadtoen vaerieh.
Mijjen dajveh, mijjen vaerieh.
Mov dajveh, mov vaerieh.
Gubpene dov maadtoen dajvh
Gïeh debpene jealeme jïh orredamme
Maam daelie provhkede debpene darjodh
Mah dååjrehtsh jïh åssjaldahkh dutnjien båetieh gosse debpene
Tjaelieh dov maadtoen dajvi bïjre!