Bruksområde
Graskar blir nytta som kokt eller steikt grønsak i gryteretter, supper og stuingar. Sylta graskar er nydeleg til kjøt- og fiskeretter. Graskaret blir delt og skrelt, og det svampaktige vevet og kjernane i midten blir fjerna. Pyntegraskar blir berre nytta til dekorasjon.
Kvalitetskrav
Graskar finst i mange ulike former, fargar og storleikar, og derfor er det vanskeleg å gi eksakte kvalitetsnormer. Graskar skal vere reine og heile og utan mugg, støytskadar eller mjuke flekker. Fruktkjøtet skal vere fast, og grønsaka skal kjennast tung i høve til storleiken. Graskar må handterast varsamt sidan dei lett blir skadde på grunn av den store vekta.
Næringsinnhald
Graskar inneheld noko karoten, som gir A-vitamin. Graskar er kalorifattig og inneheld noko kostfiber.
Les meir om næringsinnhaldet i Matvaretabellen frå Mattilsynet.
Oppskrift på graskarsuppe (matprat.no).
Hugselappen
Norsk sesong:
august–november
Med andre ord:
Latin: Cucurbita maxima
engelsk: pumpkin
tysk: Riesenkürbis
fransk: Potiron
Lagring:
På grunn av det tjukke skalet kan store graskar lagrast i månadsvis. Graskar som er delte i stykke, har kortare haldbarheit, og bør omsetjast raskt.