Sjalottlauk

Sjalottlauk består av fleire små, avlange laukar, også kalla fedd, som heng saman. Dei er omgitt av eit raudbrunt eller gult skal. Sjalottlauk har ein meir aromatisk søt og mild smak enn vanleg lauk. Sjalottlauk har svært god haldbarheit, på linje med kepalauk. Han bør oppbevarast mellom 0 og 2 gradar, og luftfukta bør ikkje overstige 65 prosent relativ fukt. Den norske sesongen for sjalottlauk strekker seg frå august til april.

Sjalottlauk har mindre syre og er mindre bitter enn kepalauk. Han er derfor fin å nytte i rettar der vi vil ha ein mildare lauksmak. Sjalottlauk blir nytta rå, kokt, smørdampa eller steikt i rettar på same måte som kepalauk.

Sjalottlauk inneheld noko vitamin B og C i tillegg til mineral.

Sjå Matvaretabellen frå Mattilsynet for nærare opplysningar om næringsinnhaldet.

Sjalottlauk skal vere fast og velforma, heil, rein og ikkje kuldeskadd. Han skal ha ei sterk laukduft og vere fast og saftrik. Storleiken bør vere nokolunde jamn.

I filmen under (2 minutt) kan du lære meir om sjalottlauk og få tips om korleis han kan bli laga til og servert.