Kroppen er laga for å vere i rørsle. Ved å vere i regelmessig aktivitet held vi oss i form og reduserer risikoen for å få sjukdommar og skadar. Det finst mange ulike aktivitetar du kan drive med. I dette emnet har vi samla idrett, dans og andre aktivitetar.

Leiken er ein arena for utvikling og læring, og for sosial og språkleg samhandling. Gjennom leik kan du oppleve glede, humor, spenning og engasjement. Kroppsøving skal bidra til at du lærer, sansar, opplever og skaper med kroppen – åleine og saman med andre.