Oppgåver og aktivitetar

Forsøk: Forsuring av vatn

Finn ut korleis vatn kan bli surare, og korleis vi kan observere at det skjer.

Kan du endre surleiksgrada (pH) i vatn?

Framfor deg har du eit glas med vatn.

Trur du det er mogleg å endre surleiskgrada i vatnet utan at du har nokon kjemikalium å jobbe med?

Treng du eit tips, kan du kikke bak «rullegardina» under.

Korleis kan du endre pH-en i vatnet utan ekstra kjemikalium?

Hintet bak rullegardina var eit sugerøyr. Med sugerøyret kan du blåse ned i vatnet. Då vil ${CO}_{2}$ -en i lufta du pustar ut, blir løyst opp i vatnet. ${CO}_{2}$ -en og vatnet dannar karbonsyre (kollsyre), og vatnet blir surare.

Detaljar om den kjemiske reaksjonen

Ein annan måte å endre pH-en i vatnet på er å la vatnet stå til neste dag. Då kan du kanskje observere at pH-en har stige. Vatnet frå springen held som regel lågare temperatur enn rommet du oppheld deg i, og kaldt vatn kan løyse opp meir gass enn det varmt vatn kan. ${CO}_{2}$ -en som er løyst opp i vatnet når du tappar det frå krana, vil bli frigitt frå vatna etter kvart som det blir varmare.

Kva konsekvens har dette for opptaket av ${CO}_{2}$ i havet når den globale temperaturen stig?

Korleis kan du påvise at pH-en endrar seg i vatnet ditt? Føreslå fleire metodar.
Planlegg og gjennomfør eit forsøk der du skal påvise endring i pH.
Kor mykje trur du at du kan klare å endre pH-en?
Prøv med både kaldt og varmt vatn. Kan du observere nokon skilnad? Forklar.

Relatert innhald

Havforsuring

Nettside hos bjerknes.uib.no

CC BY-SASkrive av Thomas Bedin.

Sist fagleg oppdatert 27.09.2019

Forsøk: Forsuring av vatn

Kan du endre surleiksgrada (pH) i vatn?

Relatert innhald

Reglar for bruk