Ordklassar

Kva skil dei ulike ordklassane frå kvarandre?

Når vi deler inn orda i språket vårt i grupper, ser vi på tre slags eigenskapar ved dei:

1. om dei kan bøyast

2. kva slags tyding dei har

3. om dei kan vere sjølvstendige setningsledd

Nokre eksempel

• Substantiv er ein ordklasse som kan bøyast, for eksempel: ein penn – fleire pennar

• Interjeksjonar er ubøyelege, dei har alltid same form: Huff! Ja!

• Verb er ord som beskriv ei handling, ein prosess eller ein tilstand: å gå, å raudne, å kvile

• Adjektiv er ord som beskriv ein eigenskap ved nokon eller noko: grøn, snill, rask

• Pronomen kan vere sjølvstendige setningsledd i ei setning: Ho lo. Dei har budd i Mexico.

• Bestemmarord må til vanleg stå saman med eit substantiv, dei er ikkje sjølvstendige setningsledd: dette huset, sykkelen min.