Øving

Ordforråd og grammatikk

Her finn dere munnlege og interaktive øvingar. Øv på ordforråd, spørjeord, gradbøying av adjektiv og ordlaging.

1 Ordforråd

Kva for ting må de absolutt ha? Gå gjennom vendekorta og øv på minidialogar.

Repeter tyske spørjeord.

Om spørjeord

Spørjeord er eit fellesord for spørjepronomen og spørjeadverb.
Spørjepronomen bruker vi for å spørje om personar og ting: kven, kva.
Spørjeadverb bruker vi for å spørje om tid, stad eller måte: når, kor lenge, kvar, kvar hen, korleis osv.

Repeter dei tyske personlege pronomena i nominativ (subjektsform) og akkusativ (objektsform).

Om personlege pronomen

Personlege pronomen er ord som står i staden for eit substantiv eller namn:
guten = han, Kari = ho, foreldra mine = dei osv.
Personlege pronomen bøyer vi i både norsk og tysk, for eksempel eg – meg, ich – mich.
Nominativ er nanet på subjektsformen (ich, du, wir osv.)
Akkusativ er namnet på objektsforma (mich, dich, uns osv.)

Ta for deg desse verba: baden, behaupten, besitzen, duschen, entwickeln, essen, lieben, reden, sehen, wetten.

For kvart verb skal du finne eitt eller fleire substantiv som har verbet i seg. Substantiva kan òg vere samansette ord.

schlafen: der Schlaf (søvn); das Schlafen (det å sove); der Schlafsack (sovepose); das Schlaflied (voggesong)

Om gradbøying

Dei fleste adjektiva kan gradbøyast. Det vil seie at dei har former som uttrykker ulik grad.
Grunnforma heiter positiv: snill, gammal, viktig
Forma som uttrykker ein høgare grad, heiter komparativ: snillare, eldre, viktigare
Forma som uttrykker den høgaste graden, heiter superlativ: snillast, eldst, viktigast

Bruk ordboka og gradbøy desse adjektiva: alt, jung, groß, nett, gut, schlecht, verliebt, lustig, unterhaltsam.

Legg alle bøyingsformene inn i ein tabell, for eksempel slik:

gradbøying av adjektiv
Positiv	Komparativ	Superlativ	Norsk
wichtig	wichtiger	am wichtigsten	viktig
alt	älter	am ältesten	gammal

Jobb i par.

Omsett eksempeldialogen.
Les han høgt med fordelte roller.
Lag ein ny dialog etter same mønster og fortel kvarandre om ting som er viktige for dykk. Vel frå lista lenger nede om de vil.
Øv på den nye dialogen til de kan han utanåt.
Gå saman med to andre par. Framfør dialogane dykkar for kvarandre.

Welche Dinge sind dir wichtig?
Also, Bücher sind mir sehr wichtig. Aber meine Gitarre ist mir noch wichtiger. Und was findest du wichtig?
Hm. Mir sind Bücher auch wichtig. Und mein Computer. Aber am wichtigsten ist mir meine Trompete.

Anerkennung, Erfolg, Geld, Unabhängigkeit, ein guter Beruf, Kreativität, Musik, Kunst, Sport
Frieden, Sicherheit, Gesundheit, Liebe, Freundschaft, Familie
ein Auto, Toilettenpapier, Schuhe, mein Computer, ein Moped, eine Uhr, ein Fahrrad, mein Handy
Schlaf, genug zu essen, Kleidung, ein Dach über dem Kopf, Schuhe, Toilettenpapier, Wasser, Strom, Internetzugang, Medikamente