Heftet «NATUREN – ikke menneskene – styrer jordas klima!» blei for ei tid tilbake sendt ut til alle dei vidaregåande skulane i landet. Publikasjonen stammar frå foreininga Klimarealistene.
I eit tilsvar med faglege vurderingar og referansar har Bjerknessenteret for klimaforsking (BCCR) og Cicero: Senter for klimaforsking påvist faglege feil, forvrenging, utelatingar og misforståingar, og innhaldet blir samanlikna med propaganda. Kva meiner du?
Heftet «NATUREN – ikke menneskene – styrer jordas klima!» på klimarealistene.com (PDF)
Debattoppgåver
- Vurder fakta, påstandar og argument frå begge hald. Kva meiner du?
- Korleis kan ein vite om opplysningane kjem frå pålitelege kjelder?
- Korleis er påstandane underbygde i dei to publikasjonane frå Cicero og Bjerknes og i heftet frå Klimarealistene?
- Kvifor skulle nokon ønskje å spreie uriktig informasjon om klimaforsking?
- Kven står bak Klimarealistene, Cicero og Bjerknessenteret for klimaforsking?
- Kva synest du om at slike brosjyrar blir sende ut til alle dei vidaregåande skulane i landet?
Menneskeslekta, «vi», står overfor den vanskelegaste situasjonen vår nokosinne.
Kva skal vi gjere?
| Vi set inn klimatiltak | Vi set ikkje inn klimatiltak |
|---|---|---|
Dersom globale klimaendringar ikkje er menneskeskapte: | Vi påfører oss ein masse unødvendige kostnader.  | Vi var heldige, vi brukte ikkje pengar unødig, og klimaet ville uansett ha blitt som det blei.  |
Dersom globale klimaendringar er menneskeskapte: | Vi hadde store kostnader, men pengane var godt brukte, fordi vi blei redda frå dei verste klimakatastrofane.
 | Vi var uheldige, vi burde ha gjort noko. Det er stort sannsyn for globale katastrofar innan økonomi, politikk, samfunn, helse og miljø.  |
I filmen Klimakrisa – Folkeopplysninga med Andreas Wahl og Klimarealistene lar programleiar Andreas Wahl klimaskeptikarane sleppe til og ettergår alle påstandane deira for å sjekke om dei har noko for seg.
Relatert innhald
Nettside hos nrk.no