Korleis lage gode avsnitt i fagartiklar?
Når du har gjennomført både idémyldringa, utforskinga og førskrivinga til ein fagartikkel, er du klar til å skrive hovuddelen. Har du allereie gjennomført desse delane, skal du sitje igjen med seks temasetningar som skal vere førstesetninga i avsnitta i hovuddelen din.
Problemstilling til fagartikkel om “Press blant ungdom”
Drøft problemstillinga: “Er det for mykje press på ungdom i dag?”
I media har det dei siste åra vore skrive mykje om den psykiske helsa til unge menneske. Somme har kalla dagens ungdommar for “Generasjon perfekt”. Årsaka er at det kan verke som om mange tenåringar meiner dei må ha både “feilfri” kropp, gode karakterar, fine klede og ein perfekt fasade på sosiale medium.
Oppgåve
Del 1
No skal vi jakte etter det perfekte avsnittet. Jobb gjerne i grupper på tre. Etter å ha gått gjennom presentasjonen under og gjort oppgåvene i denne, skal de sitje igjen med eit avsnitt de kan bruke i teksten dykkar.
Oppgåva føreset at de allereie har laga temasetningar. Vel ut temasetninga til det argumentet de meiner er det viktigaste for at ungdom har for mykje press. For hugs: Du skal alltid skrive om det viktigaste først.
Del 2
Set temasetninga de har valt ut saman med den eksporterte teksten i del 1 (kommentarsetningar og avslutning). Ein av dykk les avsnittet høgt for dei andre. Diskuter om de bør gjere endringar på språk eller innhald.
Del 3
Alle gruppene viser sitt avsnitt for resten av klassen. Gi kvarande tilbakemelding på kva som er bra, og kva som kan forbetrast i jakta på det perfekte avsnittet.
Kanskje kan de til og med kåre ein vinnar? Kven har laga det beste avsnittet? Grunngi!