ANABOLE STEROID: Syntetisk derivat av testosteron. Gir svært alvorlege fysiske og psykiske biverknader som hjarte- og karsjukdom, leverskadar, depresjonar og psykosar. Auka kriminalitet er til dømes ein sosial biverknad som òg er vanleg.

VEKSTHORMON: Blir produsert i hypofysen. Dette kan takast for å auke muskelmassen. På same tid veks dei indre organa i kroppen. Stoffskiftesjukdom, kreft og diabetes er typiske biverknader.

INSULIN: Blir brukt som diabetesmedisin. Som doping aukar insulin muskelmassen i kroppen, noko som kan gi livstrugande biverknader.

STIMULERANDE MIDDEL: Kokain, amfetamin og efedrin skal gi betre uthald. Vanedanning, hjartesjukdom og psykiske lidingar er biverknader som kan kome av dette stoffet.

BLODDOPING: Teknikk som aukar krafta i blodet som fører oksygenet i blodet rundt, for at ein skal kunne halde ut lenger. Blod blir tappa anten av utøvaren sjølv for å skilje ut den raude blodlekamen og spare han til konkurranse, eller at ein tappar blod frå ein annan person. Ein sprøytar så blodet inn i personen att. Innføring av blodprofilar er ein del av tiltaka som skal avgrense omfanget. Blodpropp og overføring av smittsame sjukdomar er noko av det ein risikerer ved bloddoping. EPO kan gi same resultat som bloddoping.

BETABLOKKAR: Blir brukt til behandling av hjarte- og karsjukdommar. Som doping blir desse brukt for å redusere uro og skjelvingar i konkurransar.

Meir informasjon: Dopingtelefonen (tlf. 800 50 200) og www.antidoping.no
Kjelde: Antidoping Norge

Sjå og: Slik blir idrettsutøvarar testa for doping

Sida har flytta, men du kan finne den her: