Oppgåve 1
Forskingsprosjektet Norsk kundebarometer ved Handelshøyskolen BI gjennomfører ei årleg undersøking som måler kundetilfredsheit og lojalitet blant norske forbrukarar. Gå inn på nettsida Norsk kundebarometer for å sjå topp-10-lista over bedrifter som har lykkast med å begeistre kundane sine.
Vel ut minimum to av bedriftene på topp-10-lista. Utforsk og gjer greie for kvifor bedriftene lykkast i å skape kundetilfredsheit og lojalitet.
Drøft kva det er som skaper tilfredse og lojale kundar.
Lag di eiga liste med overskrifta "10 tips for å skape kundetilfredsheit og lojalitet".
Ta utgangspunkt i praksisbedrifta di, og reflekter over korleis ho kan hente inspirasjon frå bedriftene på topp-10-lista til Norsk kundebarometer. Gi konkrete døme.
Oppgåve 2
For nokre år sidan hadde regjeringa eit nasjonalt utviklingsprogram ved namn "Sammen om en bedre kommune". I dette arbeidet vart sitatet "En aktiv og åpen dialog med innbyggerne er viktig for omdømme, noe som igjen er viktig for at flere har lyst til å jobbe og bo i kommunen."
Drøft korleis sitatet kan ha overføringsverdi til utøvinga av servicerolla, og korleis servicerolla påverka omdømmet i praksisbedrifta di.
Ta utgangspunkt i sitatet ovanfor, og skriv det om til å gjelde praksisbedrifta di.
Oppgåve 3
Skriv eit refleksjonsnotat med tittelen "Utøving av servicerolla i praksisbedrifta" der du reflekterer over:
kva det vil seie å meistre kunsten med kundeservice i servicerolla i praksisbedrifta di
korleis utøvinga av servicerolla må tilpassast ulike mottakarar i ulike situasjonar
på kva måte utøvinga av servicerolla påverkar omdømmet til praksisplassen