Soejkesjh gihtjehtimmiem
Hijven gyhtjelassh leah vihkele dovne gosse edtja gieltegs gihtjehtimmiem darjodh jïh hijven galhkuve-dorjesem åadtjodh. Men guktie hijven gyhtjelassh darjoeh?
Darjoeh ræhpas gyhtjelassh. Aellieh gyhtjelassh gihtjh mejtie maahta vaestiedidh ijje/jaavoe, men gyhtjelassh gusnie gihtjelgæjja maahta vielie jiehtedh maam meala.
Nuhtjh dam maam gaavnih gosse gihtjhetimmiem soejkesjih: «Gaajhkesh jiehtieh datne leah gïemhpes baernie, men leah såemies aejkien skaajhvoeh aaj?»
Darjoeh gellie gyhtjelassh! Buerebe fer gellie gyhtjelassh goh fer vaenie utnedh. Ih daarpesjh gaajhkh gyhtjelassh gihtjedh.
Mujhtieh gihtjedh mejtie luhpiem åadtjoeh guvvieh vaeltedh gihtjelgæjjeste, jïh/jallh tjoejebaantedimmieh darjoeh.
Hoksh gihtjelgæjja lea våajnoes guvvesne, jïh olles mij akt leah gihtjelgæjjan duekesne mij hearaldahta.
Hoksh hijven tjoevkesem, jïh tjoevkese almetjasse båata reaktoe otnjegistie. Jis guvviem klaasen uvte vaaltah jïjnje vuestie-tjoevkesinie, almetje mïrhke sjædta. Tjåadtjoeh desnie gusnie maahtah tjoevkesem klaaseste nuhtjedh almetjem tjoevkedidh, jïh datne klaasen uvte tjåadtjoeh tjoevkesinie rudtjesne.
Vaeltieh gellie guvvieh, dïhte hov namhtah! Vaeltie gelliesåarhts guvvieh. Lissine portrehte-gåvvan almetjistie maahtah aaj guvviem vaeltedh aktene byjresisnie mij vihkele almetjasse.
Edtjh guvvieh vaeltedh, videove- jïh/jallh tjoeje-baantedimmiem darjodh? Dellie byörh soejkesjem utnedh.
Raerieh
Nuhtjh dov mobijle-tellefovnem.
Hoksh dov lea straejmie.
Gïehtjh tjoeje-baantedimmie, guvvie- jïh videove-funksjovnh juhtieminie goh edtjieh, jïh datne daajrah guktie edtjh dejtie nuhtjedh.
Vaeltieh gellie guvvieh.
Gïehtjh baantedimmiem åvtelen gihtjehtimmie-tsiehkiem galhkoeh.
Gåarede aaj portrehtem darjodh gusnie tjaalegem, guvvieh, tjoejem jïh/jallh videovem nuhtjh.
Maahtah stories-funksjovnem sosijaale medijumesne nuhtjedh, teekstem tjoejefijlen sïjse redigeeredh videoveredigeereme-appesne jallh videove-redigeeremeprogrammesne. Maahtah videovem, guvvieh jïh tjoejem akten blogge-boelhkese bïejedh, jallh teekstem jïh guvvieh hammoedimmie-programmesne noeredh.
Raerieh
Aellieh seamma sisvegem tjoejesne jïh videovisnie utnieh
Tjoejebietske maahta jïjtse histovrijem utnedh
Videovebietske maahta darjomem jallh gihtjelgæjjam aktene biejjesne vuesiehtidh.
Teekste maahta vielie bïevnesh vedtedh goh guvvie vuesehte.