Laavenjassh Johan Turin soptsesidie

Lohkh: Vaajese Eatnamistie rovneges juvri bïjre

1. Mij teeksten teema?

2. Mah gïeleldh vierhkie-vierhtieh Johan Turi nuhtjie?

3. Mej juvri bïjre Turi tjaala? Gubpene jïh guktie daah juvrh jielieh?

4. Guktie tjaelije tsiehkiem daej juvri jïh almetji gaskem buerkeste?

5. Maam tjaelije sæjhta teekstine jiehtedh? Mij tjaelijen dïjre?

6. Mah gyhtjelassh jïh aarvoeh tjaelije åahpiedahta? Gaavnh vuesiehtimmieh teeksteste.

7. Maam maehtebe sjangeren bïjre jiehtedh? Guktie tjaelije teekstem tjaaleme? Buerkesth.

8. Maam teekste tïjjen bïjre soptseste? Gaavnh vuesiehtimmieh teeksteste mah vuesiehtieh tjaelije dam 1900-låhkoen aalkoevisnie tjeeli?

9. Teekste sjyöhtehke daan biejjien aaj? Tjaelieh teekstem gusnie teeksten sisvegen bïjre ussjedadth.

Lohkh: Maana-sujhtemen bïjre

1. Mij teeksten teema?

2. Mah gïeleldh vierhkie-vierhtieh Johan Turi nuhtjie?

3. Mah råållah geerve almetjh utnieh, mah råållah maanah utnieh? Buerkesth.

4. Mij båarasommes maanan råålla? Mah mubpien, gåalmeden, njealjeden jïh vïjhteden maanan råållah? Man åvteste, datne vïenhth?

5. Mah gyhtjelassh jïh aarvoeh tjaelije åahpiedahta? Gaavnh vuesiehtimmieh teeksteste.

6. Mah vuekieh mijjen luvnie annje vihkele? Mah vuekieh datne tuhtjh mijjieh byörebe vaarjelidh?

7. Maam maehtebe sjangeren bïjre jiehtedh? Guktie tjaelije teekstem tjaaleme? Buerkesth.

8. Maam teekste tïjjen bïjre soptseste? Gaavnh vuesiehtimmieh teeksteste mah vuesiehtieh tjaelije dam 1900-låhkoen aalkoevisnie tjeeli?

9. Teekste sjyöhtehke daan biejjien aaj? Tjaelieh teekstem gusnie teeksten sisvegen bïjre ussjedadth.