Nihpere
Saemieh aaj aerebi provhkin nihpierdidh. Gellien aejkien gosse lin skiemtjejamme jallh vaejviem utnin dle vïenhtin buerebe sjïdtin gosse nihpierdin.
Dam nihperem darjoejin moereste jïh dle dejnie bonhkelin, åeriem raejkiedin jïh dle baajin ånnetji vertedh. Men idtjin sahth magkeres moereste dam nihperem darjoejin. Dam darjoejin bietseste, laedtieh jiehtieh: "malmfuru". Destie darjoejin, jis ij lih bist gasngesistie aaj, dam im mujhtieh im doesth jiehtedh. Bietseste gujht. Dïhte lea garre moere, jïh dle vïenhtin raajne lij. Raajnes besteles sampele hov sjïdti gosse nejpine voelin, dam leam aehtjeste govleme.
Guktie dle dovletje saemieh darjoejin gosse lin tjarki tjoehpedamme jïh tjamki varta? Tjoeverin sih provhkedh sahth maam utnin dah aaj, dïhte mij lij gietskemes gïetese gosse lij daerpies. Saemiej luvnie lij gujht aaj såemies mah dagkerem faamoem meehtin provhkedh vertemem orrijehtedh, men im dan bïjre maam daejrieh.[1]
Saemien | Daaroen |
|---|---|
nihpere | redskap for å årelate |
nihpierdidh | årelate |
nihpierdimmie | årelating |
Relatert innhald
Laavenjassh teeman bïjre Saejrie jïh verteme.