Aerpievuekien mietie saemieh gööleme, vijreme, vytnesjamme jïh bovtsine gïehtelamme. Jïh saemieh iktegisth daajroem åtneme guktie vierhtieh eatnamistie veedtjedh jïh nuhtjedh.

Daennie teemesne åadtjoeh aerpievuekien daajroen jïh jielemi bïjre lïeredh. Båatsoe, vijreme jïh vætnoe leah aerpievuekien jielemh. Aerpievuekien daajroe lea daajroe mij boelveste boelvese jåhteme.