Fagartikkel
Indikatijve
Dah indikatijve verbe-hammoeh leah gosse mijjieh verbide sojjehtibie tïjji mietie. Daennie sæjrosne datne lïerh guktie dej indikatijve verbi sojjehtimmie-hammoeh, presense (daelie-hammoe) jïh preteritume (dillie-hammoe).
Bilete: Marit M. Fjellheim / CC BY-NC-ND 4.0
Verbh mejtie tïjji mietie sojjehtibie, presensisnie (daelie-hammosne) jïh preteritumesne (dillie-hammosne), leah indikatijve modusisnie.
Vuesiehtimmie:
- Indikatijve presense: Gåatan båata.
- Indikatijve preteritume: Gåatan bööti.
Dah indikatijve verbh sojjehtibie dovne persovni jïh taali mietie:
Manne båatam, datne båatah, dïhte båata ....
Manne böötim, datne böötih, dïhte bööti ....