Oppgåve
Sommarjobb
Du er så heldig å ha fått ein sommarjobb, den første ordentlege jobben din! Du ser fram til å tene eigne pengar og til å bli ein del av ein arbeidsplass. No er det òg viktig å tenkje på at som ung arbeidstakar har du både rettar og plikter, slik også arbeidsgivaren har.
Bilete: Luca Kleve-Ruud / CC BY-NC-SA 4.0
Leiaren din har bede deg om å setje deg inn i rettane til unge arbeidstakarar og pliktar når det gjeld sommarjobb. Hensikta er at du skal lage ein manual de kan ha på arbeidsplassen, og som alle nye tilsette kan få.
Lag ein lettlest manual som tek føre seg rettane til unge arbeidstakarar når det gjeld
- organisering og medlemsfordelar
- arbeidstid og -miljø
- løn
- kontrakt
Ta òg med nokre punkt om pliktene til arbeidstakaren når det gjeld
- arbeidsmiljø
- ferie
- eigenmelding
- andre viktige punkt du synest er relevante
- Diskuter fordelar og ulemper med å vere organisert i ei fagforeining.
- Diskuter kva de tenkjer om pliktene og rettane ein arbeidstakar og ein arbeidsgivar har overfor kvarandre.